portada
       concertos
       novas
       discos
       crónicas
       artistas do país
       webs amigas

          actualizacións
20/05/2020
Fernando Barroso “Xograr”
12/05/2020
comunicado do WOS FESTIVAL X SON ESTRELLA GALICIA
16/04/2020
Xa coñecemos os novos finalistas dos Premios Martín Códax da Música 2020
09/04/2020
Xosé Lois Romero & Aliboria "Latexo"
30/03/2020
o director orelludo Pepe Cunha nos Tanxuvermús
27/03/2020
Grande éxito de inscricións nos Premios Martín Códax da Música Galega con preto de seiscentas
los radiadores "manual de supervivencia"


Tras un EP e un single, chega o primeiro longa duración da banda valenciana Los Radiadores, que abren as referencias do novo selo Bonavenamúsica. Ademais do selo que o edita, este traballo amosa boa representación da escena roqueira valenciana máis constante e cunha personalidade definida: gravado e mesturado en El sótano polo produtor Dani Cardona, que achega percusións "La hora de las confesiones e coros en "Ha llegado el caos" e Manolo Bertrán (Doctor Divago) poñendo a segunda voz en "Un viejo robot".

Neste cuarteto, Raúl Tamarit, quitarrista de Una sonrisa terrible, encárgase da composición, asume a voz principal (probablemente o punto a mellorar) e comparte as guitarras con José A. Nova "El joven". Na sección rítmica Luis González Galván ao baixo e Vicente "Metralla" Vila na batería e percusións.

Estas nove cancións falan da realidade, da asimilación persoal desta, e poden sonar ás veces punk, outras noise, pero sempre viaxan da man dun rock directo, cru, denso, que sae a través de amplificadores ben altos, moi na onda daquelas bandas españolas de selos independentes dos 80: Gabinete Caligari, Derribos Arias, Glutamato Ye-Yé, Parálisis Permanente, Farmacia de Guardia ... pero tamén posteriores como Lagartija Nick ou Los Planetas.

"Manual de supervivencia" é a boa presentación dunha banda da que podemos agardar cousas interesantes pola actitude, personalidade e erudición roqueira do seu líder e os secuaces. Temas como "Un viejo robot", "La voz de los presentes", "No me achantaré" ou "Viaje a ninguna parte" testemúñano.

Pepe Cunha, 3-xuño-2013



Escoitar Abrete de Orellas nas ondas
vitaminasparaogalego
Gaudi Galego - Pepe Cunha - Edicions Embora
musicosaovivo