portada
       concertos
       novas
       discos
       crónicas
       artistas do país
       webs amigas

          actualizacións
28/11/2020
eis o programa do Espazo Escena no Culturgal 2020
24/11/2020
Puerta Sur "Azabache"
23/11/2020
Guadi Galego fálanos das "Costuras" do seu novo álbum
17/11/2020
Alberto Vilas "Naialma"
04/11/2020
As bandas Caldo, Ukestra do Medio, Crnds, Koroiev e Momboi, finalistas do Concurso Fran Pérez “Narf" de música
27/10/2020
Dequenvessendo "Canto das Xacias"
As bandas Caldo, Ukestra do Medio, Crnds, Koroiev e Momboi, finalistas do Concurso Fran Pérez “Narf" de música


nota:

O xurado do Concurso Fran Pérez "Narf" para grupos e artistas musicais que promove a Deputación da Coruña deliberou esta mañá e fixo público as cinco bandas finalistas: Caldo, Ukestra do Medio, Crnds, Koroiev e Momboi. A banda gañadora será elixida durante unha gala final que terá lugar no Teatro Colón da Coruña o sábado 28 de novembro e que se emitirá tamén a través de ‘streaming’.

Formou parte do xurado como presidente Xurxo Couto, deputado de Cultura da Deputación da Coruña; ademais da xornalista e músico Xiana Arias Rego; a produtora Aitana Cuétara Yáñez; o músico Marcos Otero Payno; a xornalista Belén Regueira; e o músico Marcos Rodríguez Fontenla. Como secretaria actuou Mercedes Fernández-Albalat Ruiz, xefa do Servizo de Acción Social, Cultural e Deportes.


O Concurso Fran Pérez “Narf" de música ten o obxectivo de difundir, apoiar e promocionar os grupos e artistas musicais das diferentes comarcas e localidades galegas, así como lembrar e difundir socialmente a figura e a o obra do músico e compositor Fran Pérez “Narf". Algunhas das bandas gañadoras deste premio son Mileth, Su Garrido, Mounqup, Bala ou Familia Caamagno, entre outros.


Eis un pequeno resumo de cada banda finalista:

CALDO son María Jorge (violín), Anaïs Barbier (voz e pandeireta) e Pedro Fariñas (guitarra e gaita), que presentan unha proposta de melodías tradicionais galegas integradas en novos contextos sonoros, canda pezas propias tinguidas das músicas europeas e atlánticas. Neste proxecto apostan pola composición de temas propios así como pola revisión do repertorio tradicional galego, poñendo o foco na aldea de Moscoso (Pontevedra). Para isto, contaron co material das informantes Rosa e Aída Garrido, recollido polo mestre Xisco Feijóo. No seu 1º disco, formado por temas orixinais, Caldo emprega as pezas do repertorio de Moscoso como fío condutor do álbum. Este disco foi gravado en directo, para manter a esencia e a enerxía que desprenden nos seus concertos.

A UKESTRA DO MEDIO é un grupo de ukuleles que nace en Santiago de Compostela a finais de 2013 facendo versións de diferentes músicas com ukeleles, baixo e caixón: de clássicos do rock'n'roll, country, swing ou pop a músicas tradicionais galegas, tangos, bossanovas ou son jarocho mexicano. Em 2020 publican “Outras Lérias”, o seu primeiro traballo longo, com composicións própias e algunhas versións.

CRNDS é compositor, produtor e fundador do selo independente Lindisfarne. Despois de publicar varias colaboracións con artistas como Cibrán Seixo ou Sandra Monfort a través desta plataforma, o produtor lanza “Inerte” (2020) a súa primeira referencia en solitario; un single gravado durante o confinamento a causa do COVID-19 en Compostela. Actualmente, o artista atópase en pleno proceso de gravación do seu primeiro álbum; un traballo onde crnds dialoga coa electrónica máis experimental e a música tradicional galega. O seu achegamento á música de raíz vai desde a descontextualización e incorporación da linguaxe rítmica ata o sampleo de material sonoro de arquivo.

KOROIEV nace en 2008 como proxecto de electrónica en solitario do ferrolán Roberto Casteleiro. A súa música foi derivando cara a banda sonora dun relato imaxinario aínda que sen abandonar o concepto de directo e de instrumentación de banda. Hai unha peculiar heteroxeneidade no estilo, de ahí a etiqueta autoimposta de electrónica onírica. Koroiev sacou a finais do 2019, co selo Ferror Records, o disco “Valverde”, que xoga a crear unha xeografía mítica do Máis Alá partindo das lendas atlánticas das cidades asolagadas.

MOMBOI parte da inquedanza e o gusto pola música de raíz latinoamericana.
Pero non só iso, a banda bebe do folk, do funk e mesmo da psicodelia, todo mesturado co seu propio estilo. As letras van dende o ancestral ao espiritual, pasando por suposto polo amor. Momboi crea un universo imaxinativo e suxerente nas súas cancións, e camiñan coa vista no futuro, sen perder a súa orixe e os sons vintage do rock. En decembro de 2019 lanzan o EP “Ofrenda” e actualmente preparan a gravación do seu primeiro LP.



anexamos unha captura da xuntanza virtual do xurado.



Escoitar Abrete de Orellas nas ondas
vitaminasparaogalego
Gaudi Galego - Pepe Cunha - Edicions Embora
musicosaovivo