portada
       concertos
       novas
       discos
       crónicas
       artistas do país
       webs amigas

          actualizacións
02/07/2020
As salas de concertos galegas preocupadas pola viabilidade do sector
02/07/2020
volve o Atardecer no Gaiás [9 xullo ao 13 setembro]
25/06/2020
Rubén Reinaldo & Kely García Guitarra Jazz Dúo "Acuarel"
18/06/2020
Clubtura e a Xunta de Galicia poñen en marcha Directos Xacobeo"21 en salas.
17/06/2020
os Premios da Música Martín Códax celebrarán o 21 de outubro a súa gran festa
14/05/2020
Abre a convocatoria do Concurso Narf para artistas e grupos musicais
os Premios da Música Martín Códax celebrarán o 21 de outubro a súa gran festa


nota:

A GALA CELEBRARASE NO PAZO DA CULTURA DE PONTEVEDRA

A Asociación Músicas ao Vivo, organizadora dos Premios Martín Códax da Música, vén de anunciar que xa teñen nova data para a celebración da gala na que se coñecerán os proxectos premiados da súa xa sétima edición. Será o 21 de outubro no Pazo da Cultura de Pontevedra sempre que as condicións sociosanitarias polo COVID-19 o permitan.

Na que se converteu desde hai uns anos na gran festa da música galega cambiarán algunhas cousas pola situación de pandemia na que nos atopamos, mais non todas. Así é o caso das marabillosas Melómanas, realizadas un ano máis por Víctor Lorenzo, que caerán en mans dos proxectos premiados nas 20 categorías e que xa son todo un elemento identitario dos Premios.

Dende Músicas ao Vivo salientan o atípico desta sétima celebración e a “complexidade a nivel organizativo” que supón adaptar os Premios ás circunstancias que vivimos para non teren que cancelar a gala. Con todo, esta edición gozou tamén de moi boas novas, como a de ser a máis exitosa de todas a nivel inscricións, cun total de 577, ou a concesión do Premio Honorífico a unha muller cunha gran traxectoria artística como é María Manuela.

Á espera de coñecer as condicións concretas nas que poderá desenvolverse o evento o día 21 de outubro, desde a organización dos Premios agradecen aos seus patrocinadores (Bodegas Martín Códax, Concello de Pontevedra, AGADIC, Deputación de Pontevedra e Cadena Ser), tódalas facilidades brindadas neste proceso e a súa implicación no mesmo.



Escoitar Abrete de Orellas nas ondas
vitaminasparaogalego
Gaudi Galego - Pepe Cunha - Edicions Embora
musicosaovivo