portada
       concertos
       novas
       discos
       crónicas
       artistas do país
       webs amigas

          actualizacións
10/09/2020
concerto de A Pedreira no Val de Lourenzá.
25/08/2020
a gran festa do jazz coa maior jam session da historia este domingo en Lugo
20/08/2020
Primeiros nomes do "Revenidas‌ en conserva": Sés, Zeltia Irevire, Ortiga e Dakidarría
12/08/2020
Luar na Lubre "Vieiras e Vieiros: Historias De Peregrinos"
05/08/2020
nace o festival Sons da Canteira, que terá lugar o próximo 29 de agosto na Canteira de Vilafría (Porriño).
04/08/2020
o IV festival Jazz de Ría programará tres noites de jazz galego no Cantón de Molíns
Ariel Ninas, Catalina Moura e César Prata “do Natal aos Reis. Cantos da Galiza e Portugal”


Coñeciamos a colaboración do portugués César Prata (guitarra, tounguedrum, dulcimer, adufe, voz) e o galego Ariel Ninas (zanfona, sinos, adufe, voz, harmónica) polo álbum "Cantos de cego da Galiza e Portugal". Nun labor semellante, e sumando a voz da portuguesa Catarina Moura, recolleron e arranxaron máis dunha ducia de cancións tradicionais da época natalicia de ambas as marxes do Miño. En principio, interpretáronas ao vivo no Natal pasado e agora preséntanas gravadas coa edición, unha vez máis, da Central Folque.

O disco contén "Cancións de Noiteboa ou de Consoada, de Natal, Manueles, de Ano Vello ou de Aninovo, de Reis ou Xaneiras,… repertorio que popularmente se interpreta de casa en casa por un grupo de persoas que piden o aguinaldo. Mudanza de ciclo anual e solsticio de inverno, cantos ao Neno, aos Reis Magos e á Epifanía nun estilo moi particular e diferente doutros xéneros das nosas músicas populares."

Ademais das pezas tradicionais, interpretan un poema de Fernando Pessoa ("Chove") e unha peza de Angel Custodio Santabaya ("Ou do casa!") na que a zanfona asume as voces orixinalmente escritas para varios instrumentos e coro. O resultado confirma, por didáctico e pola interpretación tan coidada, que cumpría recollelo en disco, neste caso un digipack con libriño coas letras e un texto explicativo de Domingos Morais.

Pepe Cunha, 19-decembro-2019



Escoitar Abrete de Orellas nas ondas
vitaminasparaogalego
Gaudi Galego - Pepe Cunha - Edicions Embora
musicosaovivo