portada
       concertos
       novas
       discos
       crónicas
       artistas do país
       webs amigas

          actualizacións
06/02/2020
Tanxugueiras "Contrapunto"
28/01/2020
O minimal jazz de Tomaga, o folk escuro de Emily Jane White e a exploración de Lea Bertucci, na cuarta edición do ciclo Liberdades Sonoras
27/01/2020
Quique González no ciclo Voices, Pazo da Cultura de Pontevedra, 25-xaneiro-2020
10/01/2020
A Banda da Loba "Fábrica de luz"
10/01/2020
o Esmorga Fest recibe o ano confirmando 4 novas bandas ao seu cartel : Viva Belgrado, Le Temps du Loup, Böira e Moura
09/01/2020
libro disco "Magín Blanco. O camiño da luz", por Carlos Rego
Xoán Curiel "Canta, miña pedra, canta"


A colección Sonárbore de Galaxia non falla á súa cita co público infantil e o autor homenaxeado no Día das Letras Galegas 2019, aínda que o mestre galeguista Antón Fraguas non entre no prototipo de poeta-autor do que musicar poemas de corte infantil-familiar, a práctica máis habitual nestas ocasións. Porén, Xoán Curiel, que xa nos ten mostrada a súa versatilidade con traballos de seu e recentes achegas ao público infantil ("Estamos no verán!" e "A casa do terror"), proponnos unha viaxe inspirada na vida e obra do homenaxeado, con letras compiladas por este para o Cantigueiro de Cotobade e creando agora outras inspiradas na súa vida. Completa aís un libro disco con once pezas que combinan o acompañamento de sons tradicionais canda outros estilos ou tratamentos máis modernos como o country, o pop, o reggae ou algo de rap.

Ademais dun traballo musical ben acabado coa colaboración de músicos notábeis coma Sérgio Tannus, Roberto Grandal, Carlos Freire ... a voz de Jara Ortíz e o tamén produtor Alfonso Camarero, cómpre salientar as pezas con letras asinadas por Curiel "ad hoc". Nelas sinálanos feitos e situacións relevantes na vida de Fraguas, especialmente cando neno: "Aventura de escribir", "As cantigas de Mamá Antonia" a unha "segunda nai" de Fraguas, , "Bolboretas na barriga", "Batendo nas pedras" e o seu ar antigo, case medieval. "Vai saír o tren" e dúas con ollada ao Brasil, onde emigrou o seu pai: "Como me río de ti", "Aldeíña por aldea".

Non sei se gustará máis a crianzas ou a pais, pero resulta ben recomendábel para escoitármolo en familia e cumprir coa data sinalada. E se falamos dun libro disco de Sonárbore, a parte visual ten esa importancia enorme á que responde aquí Nuria Díaz cunhas ilustracións ben bonitas.

Pepe Cunha, 18-maio-2019



Escoitar Abrete de Orellas nas ondas
vitaminasparaogalego
folmusica
musicosaovivo
Manifiesto la cultura no es un lujo
apoio o Ateneo