portada
       concertos
       novas
       discos
       crónicas
       artistas do país
       webs amigas

          actualizacións
28/05/2020
Zënzar "Benvidas ao futuro"
20/05/2020
Fernando Barroso “Xograr”
12/05/2020
comunicado do WOS FESTIVAL X SON ESTRELLA GALICIA
16/04/2020
Xa coñecemos os novos finalistas dos Premios Martín Códax da Música 2020
09/04/2020
Xosé Lois Romero & Aliboria "Latexo"
30/03/2020
o director orelludo Pepe Cunha nos Tanxuvermús
Xacobe Martínez Antelo Trío "Capturas"


O contrabaixista compostelán é un deses músicos que conseguen transmitir e engancharte ou reafirmarte en propostas que talvez non son as máis habituais. Se consumes jazz con certa frecuencia xa sabes que é dos nosos intérpretes e compositores máis interesantes, e non só por ser unha das tres patas de Sumrrá. "Isto é Jazz" (2005), "Xacobe Martínez Antelo Trío" (2008) e "Jazz from Galiza" (2010) son os álbums que preceden este cuarto tras o seu nome: "Capturas", resultado do seu traballo no contrabaixo canda os de Xosé Miguélez no saxo tenor e Max Gómez na batería.

O compromiso coa creatividade nas oito composicións propias vai acompañado á hora de darlles título tamén dun espírito crítico cos tempos que vivimos: "A política lingüística de Alberte", "Conciliade, malditos", "Non alimenten ó Troll", "O precariado" ... e unha lembranza ao señor Jon Scullard, unha desas persoas necesarias. Oito "Capturas" que son mostra de que o jazz feito na Galiza segue a gozar dunha saúde excelente.

Se estás no jazz, sabes do que falo e probablemente non é "Nada novo baixo o sol", pero se non estás tan familiarizado proba esa peza ou, por exemplo, "Déixao ir", a que pecha o disco. Verás que se trata de deixarse levar pola conxunción de tres músicos magníficos. Si, niso consiste, en enfrontarse a música que pasa bastante das etiquetas, e a de jazz non limita. Ademais, vén presentado nunha edición elegante deseñada por Roge Fernández que podes adquirir na súa web ou, mellor, nalgún dos seus concertos.

Pepe Cunha, 30-abril-2019



Escoitar Abrete de Orellas nas ondas
vitaminasparaogalego
Gaudi Galego - Pepe Cunha - Edicions Embora
musicosaovivo