portada
       concertos
       novas
       discos
       crónicas
       artistas do país
       webs amigas

          actualizacións
23/12/2018
Ilegales no Auditorio de Ferrol, 22-decembro-2018
17/12/2018
WOS Festival x SON Estrella Galicia, entre os 10 finalistas a mellor festival indoor de Europa por segundo ano consecutivo
04/12/2018
O sector musical será feminista ou non será. Durante dous días a cidade da Coruña acollerá unha xornada sobre a situación actual na industria musical
29/11/2018
nace A Coruña Respira Música, a semana adicada ás Músicas ao Vivo
29/11/2018
Ezetaerre "Pólvora e tormenta"
28/11/2018
Espiño ó festival SUNS Europe (Italia).

Concertos
venres 15 de xuño do 2018 ás 21:00 h.
Luíz Caracol
Auditorio Municipal de Cedeira. De balde.



nota:

En maio de 2017 celebrouse a primeira edición do Festival de música galego-portuguesa Traz outro amigo também, que serviu de homenaxe ao compositor e músico portugués José Afonso. Nesta segunda edición, o Concello de Cedeira, a través da Concellería de Cultura e a Concellería de Ensino, Mocidade e Lingua, ofrece unha nova oportunidade para (re)descubrir a cultura lusófona a través da súa música, tratando de poñer en valor os lazos que nos unen.
Angola, Brasil, Portugal e, por suposto, Galicia estarán presentes neste festival grazas a unha selección de artistas convidados que nos achegarán propostas musicais moi diferentes entre si, pero ligadas polo fío común da lingua. Paralelamente, ofreceranse obradoiros de danza africana e canto alentejano, así como unhas charlas nas que poderemos coñecer un pouco máis a lingua portuguesa e a súa relación coa galega.

As liñas temáticas das charlas que se ofreceran o venres 15 ás 19:00 h., e o sábado 16 e domingo 17 de xuño ás 12:00 h. serán:

- A lingua portuguesa na actualidade, a súa proxección internacional e o seu ensino en España (e en Galicia, máis concretamente).

- A proposta ortográfica reintegracionista para o galego: breve descrición e principais argumentos para o seu uso.

- Orixes do galego-portugués e posterior desenvolvemento.

As/os artistas que nos acompañarán nesta segunda edición do Festival:

Venres 15 - 21:00 h.
Luiz Caracol
Criado nun ambiente multicultural no longo período en que a súa familia viviu en Angola, este músico e compositor portugués tráenos unha proposta de mestizaxe entre a influencia urbana de Lisboa e o espírito africano do que sempre se sentiu parte.



Sábado 16 - 22:30 h.

Couple Coffee
Brasileiros residentes en Portugal, Luanda Cozetti (voz) e Norton Daiello (baixo) sorprenderannos cun animado repertorio no que se mesturan ritmos e melodías que van desde a bossa nova ata o rock, pasando pola música popular do Zeca Afonso.

Uxía
Considerada unha das grandes figuras da música galega, ofreceranos a súa particular visión renovadora da tradición, mesturando alalás con morna, fado e ritmos brasileiros, facéndonos viaxar polos camiños en que se econtran as culturas atlánticas galego-portuguesas

Domingo 17 - 19:00 h.
Celina da Piedade
Acordeonista, cantora e compositora, esta alentexana universal afonda as raíces da súa música nas formas e nas cores da tradición portuguesa, ao tempo que o seu sentir moderno fai que as súas creacións e interpretacións estean cheas dunha alma e unha personalidade que nos farán vibrar.

Todas as actividades do festival terán un carácter gratuíto con excepción do concerto do sábado que terá un custo na entrada de 5 €.

Tanto a reserva de entrada nos concertos como a participación no obradoiro de Canto Alentejano de Celina da Piedade poderá facerse desde o 5 de xuño polas seguintes canles:
correo electrónico enrique.vazquez@cedeira.es
WhatsApp 673223414
presencial Oficina de Turismo de Cedeira (Palacete Municipal)
- As/os participantes no obradoiro de Canto Alentejano de Celina da Piedade que terá lugar o sábado 16 ás 17:00 h. na Sala Áncora terán que ter cumpridos como mínimo os 14 anos e a lista de temas a tratar no obradoiro será:

"Laranja de China"
"Pera verde"
"Ceifeira linda Ceifeira"
"Aurora tem um menino"
"Quero ir para o altinho"
"Erva Cidreira"



Escoitar Abrete de Orellas nas ondas
vitaminasparaogalego
folmusica
musicosaovivo
Manifiesto la cultura no es un lujo
apoio o Ateneo